Een gelukkige wenner staan vandeesweek ’n kans om ’n dubbelkaartjie te wen vir sanger Manie Jackson se optrede op Saterdag 4 Februarie in Parys, wanneer hy ten bate van die Parys Dierebeskermingsvereniging (DBV) tak in die stadsaal om 18:30 sing. Die optrede val ook saam met die viering van die DBV se 17de verjaardag vanjaar (die DBV tak is in 2001 gestig), en Parys DBV-gelukbringer, Koei, se 10de verjaardag.
Al wat jy moet doen is om twee maklike vrae te beantwoord deur 073 655 2914 te skakel, en jou antwoorde, naam en kontaknommer te laat. Die vrae is – 1.) Hoe oud is die DBV vanjaar en 2.) Hoe oud is die Parys DBV gelukbringer vanjaar?
Die name van deelnemers wat die antwoorde korrek kan beantwoord, sal dan deurdring na ’n gelukkige trekking om die wenner te bepaal. Geen SMS’e sal aanvaar word nie. Die wenner sal telefonies in kennis gestel word.
Onthou die DBV kry geen finansiële ondersteuning nie en sonder die publiek se hulp kan die DBV nie sy deure oophou om hierdie waardevolle diens in ons gemeenskap te kan lewer nie. Met fondsinsamelingsprojekte soos hierdie kan jy ’n groot bydrae lewer om diere wat die DBV se hulp nodig het, te help.
Kaartjies vir die Manie Jackson optrede kos R120 vir sitplekke in die eerste drie rye. Alle ander kaartjies kos R100. Daar sal ’n voorvertoning deur ’n gaskunstenaar wees, asook ’n gelukkige trekking. Vir navrae en kaartjies skakel 073 655 2914 of 056 811 3671 gedurende kantoorure.
