SAWV-lede kuier saam om die ontbyttafel
Die SAWV is oop vir oudsoldate, en veteraan Staandemag- en Burgermaglede, kommandolede, hulpdiens, nasionale dienspligtiges, lede van die Leer, Lugmag, Vloot en Geneeskundige dienste. Die vereniging beid verskeie voordele aan sy lede.
Die Suid-Afrikaanse Weermagvereniging (SAWV) se Eenheid Koepel in Parys, het Saterdag saam om die ontbyttafel gekuier. By die geleentheid bekend as Ops Kolgans, is lapelwapens oorhandig ter erkenning van diensjare van lede. Die gesellige saamkuier is gehou by die 1919 Restaurant on Vaal.
Die SAWV is oop vir oudsoldate, en veteraan Staandemag- en Burgermaglede, kommandolede, hulpdiens, nasionale dienspligtiges, lede van die Leer, Lugmag, Vloot en Geneeskundige dienste. Die vereniging beid verskeie voordele aan sy lede.
Eenheid Koepel, is twee jaar gelede gestig en het tans dertig lede. Volgens die eenheid se mediaverteenwoordiger, Jan Venter, is die SAWV se doelstellings op vier pilare gebou – ondersteuning, erkenning, herdenking en gemeenskapsprojekte.
Die organisasie is in 2009 deur die voormalige hoof van die SA Weermag gestig. Die SAWV fasiliteer sy lede met die proses om te registreer op die Departement van Militêre Veterane se databasis, sodat hulle daarna kan aansoek doen vir die voordele soos voorsien deur die Militêre Veterane Wet 2011 (Wet no 18 van 2011).
Lede betaal ‘n R200 lidmaatskapfooi per jaar. Behalwe vir lede wat in die Weermag gedien het, kan enige lid van die publiek ook aansluit. Die vrouens, kinders en enige persoon wat hul waardes en standaarde ondersteun is dus welkom
Die organisasie is A-polities en werk nou saam met kerke en welsynsorganisasies om ‘n verkil in mense se lewens te maak.
Vir navrae oor die SAWV se Eenheid Koepel, kan die eenheidvoorsitter, Hennie Stander, geskakel word by 078 207 0593.
