Dis maak of breek vanaand vir Parys in semi-finaal

Ondersteuners is welkom om die spelers te kom aanmoedig vanaand.

April 30, 2026

Liezl Scheepers 1 minute read

Parys-netbalklub gereed vir die semi-finale liga-kragmeting teen Viljoenskroon. Foto Verskaf

Dit is maak of breek vir Parys se rugby- en netbalklubs vanaand (30 April) wanneer beide spanne in die liga semi-finale wedstryde hul staal moet wys. Parys-netbalklub speel om 18:30 teen Viljoenskroon in die Netbal Platteland-liga, en word die wedstryd op Hoërskool Parys se netbalbane beslis.

Die rugby skop af om 20:00 op Hoërskool Parys se rugbyveld met Parys wat Hoopstad die stryd sal aansê in die voorlaaste kragmeting van die Griffons-liga.

Ondersteuners is baie welkom en kan gasbraaiers en koelbokse saambring.

Parys-rugbyklub het verlede week op sy tuisveld ‘n oorwinning oor Hennenman beklink met ‘n telling van 26-10.

Parys se puntemakers was Kaleb Kriek, Marx Steenkamp (2 drieë) en Marchell Hattingh, terwyl Niel Henning en Marchell Hattingh (2) Parys se doelskoppe oorgesit het.

Die foto is met verlede week se kragmeting tussen Parys en Hennenman geneem. Foto: Liezl Scheepers

Spelers van die wedstryd teen Hennenman was Nickolai van Aswegen en Marcus Nyirenda.

At Caxton, we employ humans to generate daily fresh news, not AI intervention. Happy reading!

April 30, 2026

Liezl Scheepers 1 minute read

Liezl Scheepers

Liezl Scheepers is editor of the Parys Gazette, a local community newspaper distributed in the towns of Parys, Vredefort and Viljoenskroon. As an experienced community journalist in all fields for the past 30 years, she has a passion for her community, and has been actively involved in several community outreach projects as part of Parys Gazette's team.