Hoërskool Parys se matriekklas van 2022  spog met vier leerders wat elk 6 vakonderskeidings in hul matriekeindeksamen behaal het. Die leerders is Juan du Preez, Anné Krüger, Brigitte van der Hoven en Kaylyn Vertenten. Anné was ook die 2022 Dux-leerder van die skool.

Lilly Meyer het 3 A-simbole behaal.

Die skool se 2022-matriekklas het ‘n 92,8% slaagsyfer, waarvan 72% hul Baccalaureus-vrystelling ontvang het, en 21,1% Diploma-vrystelling.

‘n Totaal van 61 vakonderskeidings is deur die matriekgroep behaal.

Matrikulante regoor die land het vanoggend, Vrydag 20 Januarie hul eindeksamen resultate ontvang en spog die Vrystaat se matrikulante met ‘n 88,5% slaagsyfer wat die hoogste in die land is.