Die raaisel rondom die dood van die 49-jarige Ernest Lancaster is steeds nie opgelos nie. Wyle mnr. Lancaster se liggaam  is verlede Woensdagoggend net duskant Parys se stortingsterrein naby die plaas Wolwehoek op die Parys/Weiveld-pad gekry. Hy het verskeie mes steekwonde gehad. ‘n Verbyganger het die liggaam gesien en die polisie ontbied.
Teen Gazette se druktyd is geen verdagtes nog weens die moord in hegtenis geneem nie.
Klagte van moord en roof met verswarende omstandighede word ondersoek.
Daar word ook steeds gesoek na die Toyota Corolla met registrasienommer BRW 446 FS waarmee Lancaster gery het. Sy selfoon en skoene word ook vermis.
Die polisie vra dat enigeen wat inligting het wat kan help met die ondersoek, ao. Jaco Venter by (056) 816 2534 sal skakel.
* Twee verdagtes is intussen ook in hegtenis geneem vir die inbraak by Crazy Store oor die naweek. Hulle sou Woensdag voor die hof verskyn.