Net soos ’n goeie vriend, kan jy altyd op die Snowflake Mark vertrou.
Oudergewoonte was verlede naweek se mark lafenis vir die siel met honderde Potchefstromers wat hulle weg na hierdie immergewilde kuier- en koopgeleentheid gevind het.
Daar was soos gewoonlik ’n smorgasbord lekkernye wat te proe en te koop was, asook ‘n kreatiewe versameling interessanthede wat onder meer juweliersware, klere en breekware ingesluit het.
Dié mark is vanaf Vrydag 31 Maart tot Saterdag 1 April gehou.
Almal is uiters tevrede huis toe, in afwagting vir nog ‘n lekker joligheid aan die einde van volgende maand.