Nóg twee mans is gistermiddag (12 Junie) van hul fietse afgestamp langs die N12, sowat 5km buite Potchefstroom. Paramedici van ER24 het gister na die toneel gegaan waar die twee mans, een kritiek, langs die pad gelê het. ‘n Chevrolet Spark was langs die pad parkeer met een van die fietse ingewig voor die motor.

Volgens Russel Meiring, woordvoerder van ER24, het een van die fietsryers  verskeie ernstige beserings opgedoen en die ander het slegs ligte beserings gehad. ER24 het die kritiek-beseerde man met gevorderde lewensondersteuning behandel waarna die twee mans na die Potchefstroom Hospitaal geneem is.

Die bestuurder van die motor het geen beserings na die ongeluk nie. Plaaslike owerhede was ook op die toneel vir verdere ondersoek.