Met net enkele dae oor voor die land se provinsiale en nasionale verkiesing op 8 Mei, sal kantore van die departement van binnelandse verlengde kantoorure hê juis sodat mense  betyds hul identiteitsdokumente (groen ID boekie of slimkaart ) kan hê voordat hulle hul kruisies moet gaan trek om te stem.

Kantoorure word op 6 en 7 Mei  verleng om oop te wees van 07:00 tot 17:00 en op 8 Mei van 07:00 tot 21:00.

Die departement se voordvoerder, David Hlabane, het gesê dit is om kiesers te help om hul identiteitsdokumente waarvoor reeds aansoek gedoen is, betyds afgehaal kan word, en om aansoek te doen vir nuwe identiteitsdokumente en/of tydelike identiteitsdokumente.

Hy het gesê tydelike identiteitsdokumente sal dadelik uitgereik word sodat mense kan stem.

Gazette kon Vrydag (26 April), ten spyte van herhaalde oproepe, geen telefoniese antwoord  kry by nog die Sasolburgse nog die Potchefstroomse kantore van binnelandse sake om hul kantoorure te bevestig nie.

Bron: Netwerk24