VEREENIGING.- Die R54 Villiers-pad duskant Four Ways-vulstasie is in ‘n gehawende toestand. Na verskeie klagtes deur besorgde motoriste het Vaalweekblad gaan ondersoek instel en gevind dat die slaggate ‘n wesenlike probleem is. Daar kan op die beeldmateriaal gesien word hoe motors en swaarvoertuie in die aankomende verkeer moet inswaai om die slaggate te vermy. Volgens Dalene Venter, ‘n DA-raadslid in Vereenigng is die probleem reeds by die provinsiale owerhede aangemeld.  Volgens haar bepaal die ligging en hoe besig die pad is onder wie se beheer die pad val. In hierdie geval is dit nie die plaaslike munispaliteit se verantwoordelikheid nie, maar wel die provinsie se kopseer.