Die grootste brand nog die seisoen het die afgelope twee dae noord van Potchefstroom gewoed en die dorp in ‘n digte rooklaag omvou.

Ongeveer 600 ha het afgebrand waarvan die grootste gedeelte weiding is. Die oorsaak van die brand kan nog nie vasgestel word nie.
Dr. Kobus Roux van die Potchefstroom Brandbeskermingsvereniging sê brande het hierdie jaar met ongeveer 80% afgeneem onder meer weens nuwe regulasies dat boere moet aansoek doen om voorbrande op hul plase te doen. Daar is ook groter bewusmaking onder mense gedoen om brande te verhoed.