Die winterkoue lê voor en vir nie almal is dit moontlik om splitnernuwe  klere, of met bêrekoop klere te koop nie –  hetsy vir jouself of jou kinders.

Moenie vergeet dat Vrystaat Versorging in Aksie (VVA) se bekende Sakpas-klerewinkel in Middelstraat, oorkant Telefoonden, vanaf verlede week weer onder vlak 4 inperkingsregulasies kon oopmaak.

Hier is baie netjiese tweedehandse klere beskikbaar teen baie bekostigbare pryse – dikwels skenkings van mense wat nie meer nut daarvoor het nie, of waarvoor die klere dalk te klein geraak het.

Alle fondse wat met die verkoop van die klere ingesamel word, word weer in die gemeenskap teruggeploeg om hulle wat minder het, te kan help.

Alle klere en skenkings wat Vrystaat Versorging in Aksie van die gemeenskap ontvang, gaan ook na die Sakpaswinkel, tensy dit in VVA se Veiligheidshuis gebruik kan word.

VVA se personeel en vrywilligers sê dankie aan die gemeenskap vir onbaatsugtige bydraes, skenkings en donasies wat gereeld ontvang word.