Polisieduikers is op die oomblik van Frankfort na die R30 tussen Bothaville en Allanridge onderweg nadat ‘n motor net voor 21:00 hier in die water van ‘n pan weerskante van die pad beland het.

Twee van die drie insittendes kon daarin slaag om uit die motor te kom, maar die derde insittende was met die skryf van hierdie berig (22:16) nog in die water vasgekeer.

Sedert dié gedeelte van die pad vroeg in Februarie oorstroom het, is daar bykans weekliks ongelukke op die pad, meestal saans, wat al tot minstens 10 sterftes gelei het.

Nooddienste is tans op die toneel en motoriste word gevra om uiters versigtig te wees.