R8 miljard sal deur die Suid-Afrikaanse Nasionale Padagentskap (Sanral) oor die volgende drie jaar op van die Vrystaat se nasionale paaie spandeer word om die paaie te herstel. Daar word reeds gewerk aan die N5 en N8.
Daar is ook hoop dat nog strategiese paaie soos die R74, R26 en R34 ook moontlik deur die Vrystaatse premier na Sanral oorgeskuif sal word. Die Vrystaatse premier woet teen 10 Junie ‘n aanduiding gee van watter paaie aan Sanral oorgedra word.
Sanral mag landwyd nie aan meer as 35 000km se paaie werk nie.
In die Noordoos-Vrystaat is dit veral die R34 waaroor daar ernstige kommer is met die groot aantal ongelukke wat hier aangemeld word.
So ook van die ander Vrystaatse paaie wat in ‘n uiters haglike toestand is.
Die nasionale regering het reeds vir die huidige finansiële jaar R1,8 miljard van die padonderhoudsfonds vir die Vrystaat bewillig om paaie te herstel. ‘n Driekwart van hierdie fondse sal aan teerpaaie bestee word en ‘n kwart daarvan aan onderhoud van grondpaaie.
