Die Africa Off-road Racing Parys 200 is vir die eerste keer in jare die afgelope naweek in die dorp gehou en het motors en motorfietse in verskeie klasse meegeding.

Dié familiesport wat mense oor die land trek, maak ook voorsiening vir kinders en juniors om te kan deelneem, met kinders wat ‘n baan ry, terwyl die juniors ‘n 50km roete volg.

Volwasse deelnemers in beide die motor en motorfiets-klasse moes die uitdagings van die 200km veldroete by De Vette Mossel trotseer.

Die naweek se veldren was die vyfde klub en streekren vir 2025, en is die volgende geleentheid vir deelname op 5 Julie in Lichtenburg.

Africa Off-road is geaffilieer by World of Motorsport ZA (WOMZA) en kan deelnemers ook hul WOMZA-kleure verwerf.