Masels: Dit is wat ouers moet weet
Masels is 'n hoogs aansteeklike siekte en is inenting teen die siekte deel van die inentingsprogram vir kinders in Suid-Afrika.
Van Januarie tot 13 Junie is reeds 181 gevalle van masels aangemeld – die meeste in Johannesburg, Tswane en Ekurhuleni. Gevolglik het die Gautengse departement van gesondheid sy inentingsveldtog in die provinsie opgeskerp.
Die belangrikheid om kinders teen die siekte in te ent, is weer deur die departement beklemtoon.
Wat is belangrik om te weet van die siekte?
Masels is ‘n hoogs aansteeklike siekte wat deur die rubellavirus veroorsaak word. Entstof teen masels is reeds in 1963 beskikbaar gestel.
Hoe versprei dit?
Die siekte versprei hoofsaaklik deur asemhalingsdruppeltjies van hoes of nies, Dit word gekenmerk deur simptome soos ’n laegraadse koors, uitslag en soms gewrigspyn, hoes, loop neus of selfs n seer keel. Mense kan wel aan masels sterf. Ernstige komplikasies kom meer algemeen voor by volwassenes, en kinders jonger as vyf jaar. Kinders en swanger vroue wat nie ingeënt is nie, het ‘n groter risiko om masels te kry.
Behandeling
Simptomatiese behandeling word gewoonlik deur geneeshere aanbeveel.
Inenting bly egter die belangrikste manier om die siekte te voorkom en word die entstof reeds die afgelope 60 jaar gebruik.
