Oorweldigende steun is weer vanjaar gekry vir die jaarlikse winterprojek waarmee kleuterskole en skole in Parys uitreik na inwoners van Epilepsie SA se Vrystaat/Noordwes-sentrum.

Skole wat vanjaar bygedra het was El-Sali kleuterskool, Kiewiet-kleuterskool, An-ené Ontwikkelingsentrum, ABC-kleuterskool, PCS en Noag se Arkie, Bumble Tots Montesorri, Blikoortjies-kleuterskool en Willow Achers.

Van die bydraes wat van die kinders ontvang is, is kouse, komberse, mussies, serpe, groente, nie-bederfbare voedsel, skoonmaakmiddels en toiletware.

Hierdie bydraes maak ‘n groot verskil vir die inwoners van die Epilepsie-sentrum.