Die Gesinsgeweld-, Kinderbeskerming- en Seksuele Misdade-eenheid (GKS) in Tumahole doen ’n beroep op die publiek om te help met die opsporing van die persoon wat op die gesigsamestelling uitgebeeld word.

Volgens polisiewoordvoerder sers. Josephine Rani, hou die ondersoek verband met ’n verkragtingsaak waarin ‘n 36-jarige slagoffer beweer dat sy op Saterdag, 24 Mei omstreeks 03:30 van Tumahole na Parys gestap het toe drie onbekende mans haar genader het. Hulle het haar selfoon en geld geëis,  en haar toe na ’n oop veld agter die DBV-perseel gesleep waar sy deur twee van die verdagtes verkrag is voordat hulle van die toneel gevlug het.

Die Tumahole GKS versoek enige persoon wat die individu op die foto moontlik ken of kan uitken, om sersant Chris Fongoqa te kontak by 079 416 0535, of Crime Stop by 08600 10111. Alternatiewelik kan die MySAPS-toepassing gebruik word.