Hoërskool Parys se o.14-rugbyspan het pas getriomfeer as ligawenner in die Valke Afdeling 4-liga toe dié span Hoërskool Voortrekker in Benoni met n telling van 17-15 verslaan het. Baie geluk aan hierdie spelers en hul afrigters, Gerrit du Plessis en Wouter Croeser.

So het die span se segetog dié seisoen gelyk: 

In hul segetog tot by die semi-finaal wen hulle Suiderlig (81-0),  Belvedere (73-0), Heilbron (61-0), Afrikaans Hoër Sasolburg (72-0), Panorama (50-3) en Anker (67-0). Parys verloor slegs hul wedstryd teen Voortrekker (7-8).

In die semi-finaal verslaan hulle Panorama met 41-0.

Dit beteken dat die span die seisoen 469 punte aangeteken het en slegs 26 punte moes afstaan.

Die span gaan nou deur na die kragmeting vir die Noordvaal Beker.