Kompleks-inwoners staan saam om brand te blus
Niemand is tydens die voorval beseer nie, en het dié insident weer gewys hoe mense kan saamwerk in tyd van nood.
‘n Brand wat vroeg vanoggend by ‘n motorhuis in Uniestraat uitgebreek het, het kompleks-inwoners se omgee en saamstaan in tyd van nood gewys.
Van die kompleks se inwoners wat vroegoggend die rook gesien het, het dadelik ingespring om self te help, en kon ‘n motor in die motorhuis, sowel as n motor in ‘n aangrensende motorhuis betyds uit die motorhuise gehaal word.
Die blitsige optrede van die kompleks-inwoners, ander wat op die noodroep reageer het, mense wat brandblussers gebring het, Dorette Nel en vrywilligers van WeCare, Toelie en Thea Volschenk, Sandra Uys, Frikkie Scheepers, Parys Sekuriteit, en die Ngwathe Brandweer- en Nooddiens, spesifiek Hoffman (Bravo 6) wat onmiddellik op die toneel was nadat Save Ngwathe en ander WhatsApp groepe die noodboodskap uitgestuur het, het gehelp om die brand vinnig te blus.
Foto’s: Liezl Scheepers.
