Die bekende sangpaar, Francois en Elizabeth Fourie, wat in Parys gevestig is, sal as deel van hul konserttoer vir 2025, en die viering van die maand vir bejaardes, ook ‘n draai by Sally Martin Park maak. 

Hul optrede beloof ‘n vrolike Musiek-en-Storie konsert te wees.

Met meer as 40 jaar se ervaring in die musiekbedryf, het die gewilde sangpaar ’n wonderlike storie om te vertel, en menige bekende treffers om te deel. 2025 is die jaar waarin hulle oral oor toer om hierdie besonder nostalgiese vertoning landwyd aan te bied.

Die “Wil jy dans Carina” Musiek-en-storie konsert is te sien by Sally Martin Park, op Dinsdag 21 Oktober om 10:00.

Met treffers soos Wil jy dans Carina, Ek hou van jou, Vredendal tot Beestekraal, en Meer as Woorde,  het hierdie twee ’n tydlose musiek geskep wat vandag nog in aanvraag is.

Enigiemand wat al ‘n vertoning bygewoon het, ervaar egter veel meer as net ‘n lekker ligte vermaaklikheids-konsert. Francois en Elizabeth inspireer met ‘n blydskap, wat van binne af kom.

Daar sal ’n verskeidenheid van Francois en Elizabeth se musiek en kinderliedjies te koop wees.

Vir meer inligting en besprekings kontak Hanien Cloete, 0716861676.