Die hoof van Ondersoeke en Operasies by die Direktoraat vir Ondersoek na Korrupsie (IDAC) is gisteraand ontvoer terwyl hy op pad huis toe was. Sy aanvallers het hom aangerand en in die vroeë oggendure naby Rabie Ridge agtergelaat.

Hulle het met sy selfoon en skootrekenaar gevlug, sê Henry Mamothame, woorvoerder van IDAC.

Die slagoffer het daarin geslaag om hulp te kry en is na ’n nabygeleë polisiekantoor geneem om die voorval aan te meld. Hy ontvang tans die nodige mediese behandeling na sy traumatiese ervaring, het Mamothame gesê.

Die Nasionale Vervolgingsgesag (NVG) sê  daar kan nie nou oor die  motief vir die voorval gespekuleer word, en of dit moontlik met sy werk verband kan hou nie, maar sê die voorval en tydsbereking daarvan weerspieël die moontlike gevare in hierdie werksomgewing.

Mamothame het bevestig dat die voorval by die polisie aangemeld is vir strafregelike ondersoek.