‘n Bejaarde man wie se liefde vir landskappe het so byna in ‘n tragedie verander toe hy die eerste keer die Mabola-berg in QwaQwa uitgeklim, en toe geval het.
Die 78-jarige Tumo Mahlangu, wat na die val op ‘n krans vasgekeer was, is vanmiddag tydens ‘n multi-dissiplinêre reddingsoperasie na veiligheid gebring.
Tumo het omstreeks 16:05 Maandagmiddag daarin kon slaag om per selfoon kontak te maak met die Phuthaditjhaba Gemeenskapsdienssentrum, waarna ’n reddingsoperasie deur die Suid-Afrikaanse Polisiediens, Brandweer, Paramedici en Reddingsbeamptes van die Departement van Gesondheid se Noodmediese Dienste (EMS) en die Kollege vir Noodsorg van stapel gestuur is.
Die Suid-Afrikaanse Polisiediens se Lugvleuel het vanoggend, by die multidissiplinêre reddingspan aangesluit, wat K9-lede, brandbestryders, paramedici en reddingspesialiste ingesluit het.
Tumo is na die reddingsoperasie na die Mofumahadi Manapo Mopeli Streekhospitaal vervoer. Sy toestand is stabiel en het hy ten spyte van sy noue ontkoming geen frakture of ernstige beserings opgedoen nie.
Tumo, wat van Tebang-dorp in Makoane afkomstig is, sê dat natuurlike landskappe hom nog altyd gefassineer het.
Die Lugvleuel-bevelvoerder, kolonel Moeketsi Phiri, het rolspelers wat gehelp het om Tumo na veiligheid te kon bring, bedank vir hul toewyding.
