Na ‘n skitterende baan- en veldvertoning van Primêre Skool Parys se atlete by die Noord-Vrystaat-atletiekkampioenskappe (NVS), is van die atlete ingesluit in die Noord-Vrystaat-span wat Saterdag 7 Maart aan die Vrystaat-kampioenskappe in Sasolburg sal deelneem.

Die atlete wat sal deelneem aan die Vrystaat-kampioenskappe met die posisies wat behaal is tydens die NVS-kampioenskappe in hakies aangedui, is Anlé Beukes (do10 1200m tweede en verspring vierde), Bophelo Matiase (do10 80m tweede en 100m derde), Kylie Rootman (do10 1200m derde), Bella-May Els (do11 hoogspring tweede), Chané Dannhauser (do12 1200m derde), Janike van der Westhuizen (do12 hoogspring tweede), Karliese Scheepers do13 800m tweede & 1500m eerste), Leandri Connoway (do13 gewigstoot vyfde), Karlien Joubert (d013 diskusgooi vyfde), Janko D’alebout (so10 verspring derde), Dominic Powell (so10 70m hekkies vierde), Victor van der Schyff (so12 150m hekkies sesde en 75m hekkies tweede) en Jaco van Wyk (so13 hoogspring vyfde).

Na afloop van die Vrystaat-kampioenskappe sal die top drie atlete per item ingesluit word in die Vrystaatspan wat van 20-21 Maart aan die SA atletiekkampioenskappe in Kaapstad sal deelneem.