Parys Gemeenskap Polisiëring Forum (GPF) se volgende maandvergadering is op 19 Maart by die Parys SAPD lesingkamer. Die vergadering begin om 16:00. Enigeen is welkom. Die vergadering word voorafgegaan deur die maandelikse Blou lig/Wit lig patrollie wat op 14 Maart vanaf 20:00 gehou word.

Met die blou lig/wit lig patrollies vat die gemeenskap hande met die polisie vir gesamentlike patrollering. Geen vorige ondervinding is nodig nie. Daar word die aand om 20:00 by die Parys-polisiestasie bymekaar gekom vanwaar uitbeweeg word.

Jy gebruik eie vervoer en kan in jou eie woonbuurt waar jy gevestig is vir die duur van die patrollie ‘n verskil maak deur die oë en ore van die polisie te wees.

Die patrollies dra by tot sigbaarheid om misdaad ook in jou omgewing vas te vat. Onthou geen inligting is ooit waardeloos nie, en het buurtwagpatrollies al by herhaling in die verlede gewys hoe suksesvol dit is in die bekamping van misdaad.

Dagboek ook solank die jaar se GPF vergaderings datums wat maandeliks by Parys SAPD se lesingkamer om 16:00 gehou word.
16 April
21 Mei
18 Junie
23 Julie
20 Augustus
17 September
22 Oktober
19 November (jaarvergadering, Suid-kerk)