Die Little Divas Dansgroep van die Aldanté Dansskool het die naweek van 12-13 Augustus aan die provinsiale uitdunne vir die Suid-Afrikaanse Kampioenskappe vir die Uitvoerende Kunste deelgeneem.
Na afloop van die uitdunne verwerf hulle hul Noordwes-kleure in vier kategorieë, naamlik Bhangra, Freestyle, Lyrical en Musical.
Hulle sal nou op 30 September aan die SA kampioenskappe in Rustenburg deelneem. Die groep bestaan uit Mieke Small, Carli de Jager, Caylin Tolmay, Leandri Connoway en Alaina Vorster (Parys Primêr), asook Miané Bouwer, Renesmé du Toit (van Kingdom Keys), en Diana Voigt en Leandri van Heerden (Tuisskool).
Alaina en Leandri het beide vir Parys en Potchefstroom deurgedring, en sal in totaal aan ses items elk by die SA kampioenskappe deelneem.