Motoriste word gewaarsku oor ysige toestande, ligte sneeu, reën en lae temperature langs die N3-snelweg.

Volgens Arrive Alive is daar reën, ysreën, en ligte sneeuval tussen Van Reenenspas en Warden aangemeld.

Hierdie toestande kan veroorsaak dat paaie glad en gevaarlik word. Bestuurders word dus versoek om waaksaam te wees.

Padgebruikers word ook gewaarsku dat dié weerstoestande tot verkeersopeenhopings en vertragings kan lei.

Sou jy in nood verkeer kan jy die N3 Tol-konsessie se hulplyn by 0800 63 43 57 skakel.

Jy kan ook @N3Route op X (voorheen bekend as Twitter) volg vir gereelde verkeersopdaterings.

Lees die volledige berig hier:

Motoriste gewaarsku oor ys op N3-snelweg