Hansie Claassens wat vir die grootste deel van sy lewe in Parys gevestig was, is op 7 Februarie oorlede. Hy was 84 jaar oud.

Hansie het vir baie jare sy eie onderneming, Parys Bande gehad.

Hy was ook sy  lewe lank ‘n polisiereservis – iets wat vir hom ‘n groot passie was.

By die NG Wes-gemeente was hy baie betrokke as kategese onderwyser en ouderling.

Hansie en sy vrou, Jeanette, het die afgelope paar jaar by sy seun, Riaan, in Polokwane gebly.

Hansie sal in liefdevolle herinnering onthou word deur Jeanette, sy dogter Cerina en skoonseun Christo Bezuidenhout, sy seun Riaan en skoondogter Mandie, en vier kleinkinders.

“Ons sal hom altyd onthou vir sy sagte hart, sin vir humor en sy liefde vir diere,” het Cerina namens die familie gesê.

Die roudiens word gehou Saterdag 17 Februarie om 14:00 vanuit die NG gemeente Parys-Oos.