Feathers kuier weer saam vanaand
Louis Bosch is vanaand se spreker by die Feathers klub byeenkoms

Feathers Voëlklublede het met hul Januarie-uitstappie saam met Dawie Kleynhans ‘n paar plekke om Sasolburg, insluitend Meulsteenpan en Wolwehoek, besoek, en is 132 voëlspesies aangeteken. Meulsteenpan is ‘n fantastiese voëlparadys, maar weens die agteruitgang in die omgewing is dit nie meer veilig vir mense om alleen daar te gaan voëls kyk nie.


Tydens vanaand se byeenkoms (Donderdag, 22 Februarie) sal Louis Bosch praat oor voëls wat hy al gesien het, en sy foto’s deel. Saterdag, 24 Februarie vertrek die groep om 06:00 vanaf PnP se parkeerterrein om Tava Lingwe tussen Vredefort en Viljoenskroon te besoek. Tydens vorige besoeke is daar al ‘n lys van 70 spesies vir Tava Lingwe opgestel, en dié lys word ook aan besoekers gegee.
Belangstellendes is welkom om beide geleenthede by te woon, maar onthou jou piekniekmandjie, verkyker en ‘n stoel vir die uitstappie.
Vir meer inligting oor Feathers kan Hansie Bekker by (056) 811 4754 of 082 820 4306, of Peter Killian by 083 625 8100 geskakel word.