George munisipaliteit het  bevestig dat die dodetal teen 12:00 Maandag 13 Mei op 26 gestaan het na die bouramp ‘n week gelede op die bouperseel in Victoriastraat 75.

Dertien mense wat gered is uit die puin is steeds in die hospitaal vir behandeling terwyl daar nog gesoek word na 26 mense.

Die soek en reddingsoperasie duur voort nadat reddingspanne reeds 166 uur op die perseel is.

Daar is ook vanoggend gesê dat gepoog word om die proses te bespoedig om oorledenes te identifiseer.

Daar is reeds gister gevra vir dringende professionele sielkundige hulp van mense wat die tale Chewa, Portugees en Shona magtig is, om die oorlewendes en families van die slagoffers by te staan.  Mense wat kan help is gevra om  Kholiswa Jobela by 078 210 5972 of mnr. Apolus Swart te skakel by 061 504 4205.

• ‘n Minuut van stilte sal ook vanmiddag, Maandag 13 Mei om 14:09  gehou word ter nagegagtenis aan hulle wat in die ramp gesterf het en in ondersteuning van families wat deur die tragedie geraak is.