Nie eens die ysige winterweer hou Parysenaars weg van ‘n uitdaging nie. Anina de Villiers en Hendrik en Nellie Scheepers sal Saterdag, 8 Junie aan die World Ocean Day Swim in Durban deelneem.

Anina en Hendrik sal die 5 km vrywater swem doen, en Nellie die 800 m vrywater swem.
Die geleentheid wat by die Durban Beach Club gehou word, is ‘n fondsinsameling vir die organisasie Breathe vir hul onmgewings-opvoedingsprogram.

Lorette Pretorius en Wiekes Coetzer sal op hul beurt in die kleure van Parys Multisport die 2024 Comrades-uitdaging op Sondag, 9 Junie aanpak.

Vanjaar se 86 km Comrades-uitdaging word opdraande van Durban na Pietermaritzburg gehardloop.

Vir Lorette is dit haar vierde Comrades, maar ‘n besondere mylpaal op 50-jarige ouderdom met haar laaste Comrades wat sy sewe jaar gelede gehardloop het.

Dit het harde ure se oefen gekos met tussen 80 km en 90 km per week wat sy gehardloop het om haarself voor te berei, gesels sy.

Vir Wiekes sal dit sy eerste Comrades wees.

Beide Lorette en Wiekes het ook vroeër vanjaar die Twee Oseane marathon voltooi.