Nee jy verbeel jou nie. Checkers se bekende Sixty60 het inderdaad dié week vlerke gekry.

Suid-Afrikaners het vandeesweek  vir die eerste keer die Airbus A320 by OR Tambo gesien in Checkers se handelskleure gemerk met ‘Sixty60’ op die kante en onderaan die vliegtuig.

In samewerking met die lugredery LIFT het die Airbus sy eerste vlug in dié nuwe baadjie Donderdagoggend om 10:00 tussen Johannesburg na Kaapstad gedoen, en sal jy dié vliegtuig voortaan gereeld op  geskeduleerde vlugte tussen Johannesburg, Durban en Kaapstad hierdie somer sien.

Lugvaart entoesiaste en ‘plane spotters’ sal die vliegtuig kan uitken aan sy registrasienommer ZS_GAS.