Se gat met die gate

Ongeveer 120 sakke teer van 25kg elk het onlangs nog 90 gate in Parys se strate toegestop. Dit danksy ‘n teer-aksie van AfriForum Parys.

Schalk Burger, voorsitter van die plaaslike AfriForum-tak, sê nege mense het gehelp en ‘n donasie is ook van ‘n inwoner van Van Collerstraat ontvang. Met dié hulp kon slaggate by die kruising van Van Coller- en Breëstraat, in Schilbachstraat, Eerstelaan, Van Collerstraat en Grensstraat reggemaak word.

Burger sê die teeraksie wat Saterdag sou plaasvind is uitgestel en ‘n nuwe datum sal later gegee word.
Dankie aan die inwoners wat in hul eie woongebiede ook help slaggate herstel.