Drie jong pianiste van Parys, Ané Gouws, Annabelle van Wyk en Alexa du Toit, het aan die internasionaal geakkrediteerde Trinity klavier eksamens deelgeneem en uitstekende prestasies behaal.

Annabelle en Alexa slaag hul graad 1 eksamen met lof, terwyl Ané haar graad 2 eksamen met meriete slaag.

Die studente word afgerig deur Anina de Villiers.

Anina wat bekend is vir haar deelname aan sportaktiwiteite soos driekamp, is ook ‘n musiekjuffrou met ‘n hart vir haar studente.

Met haar talent vir musiek en dissipline wat sy haar studente leer, spreek hul prestasies van dit wat gedoen kan word met harde werk en deursettingsvermoë.