Daar word steeds gesoek na die twee verdagtes wat betrokke was by die brutale aanval op ‘n egpaar op die plaas Môrelig in die Parys-distrik.
Die verdagtes, geklee in oorpakke, het die egpaar Vrydag om middernag in hul huis op die plaas oorval, het polisiewoordvoerder, kapt. Loraine Earle gesê. Die 57-jarige man is brutaal aangerand en het aan sy beserings beswyk. Sy 61-jarige vrou wat ook aangerand en met kabelbinders vasgebind is, het die aanval oorleef.
Die vrou het toe die verdagtes weg is, gaan hulp soek by ‘n nabygeleë plaas.
Die bakkie is gister reeds deur die polisie verlate in die Tumahole-woonbuurt naby die treinspoor gevind.
Die oorledene en sy vrou het op die plaas gebly waar hulle ook werksaam was, het kapt. Earle bevestig.
‘n Ernstige beroep is weer op die publiek gedoen om enige inligting, hoe gering ookal wat kan help met die ondersoek, deur te gee aan speur adjudant-offisier Brian Janse van Rensburg by 082 466 8094, of skakel 08600 10111.
Inligting kan ook anoniem deurgegee word op die polisie se MySAPS selfoon toepassing.
