Jeugsimfonieorkes dié naweek by Udolpho gehoor
Kom luister na dié besondere optrede van die groep jongmense op eie bodem – ‘n voorreg wat nie aldag gebeur nie, en wat jy nie kan misloop nie.
Die Federasie van Afrikaanse Kultuurvereniginge (Fak) se jeugsimfonieorkes (JSO) tree 16 Maart om 11:30 op by die FAK Udolpho Rivierplaas, en kan die optrede gratis bygewoon word. Dié orkesoptrede bied n gulde geleentheid vir die jeug van Parys om blootgestel te word aan die vreugde van orkesmusiek, sê Jan-Danie Malan,die FAK se Kultuurorganiseerder Sentraal en operasionele bestuurder by Udolpho.
Die orkes is in 2022 gestig en bestaan uit 26 lede. In 2023 is die orkes se eerste amptelike publieke konsert in die Voortrekkermonument se Senotaafsaal gehoor.
Vir Parysenaars is die orkes geen onbekende nie, en was daar groot lof vir hul optrede verlede jaar by Udolpho, en later ook in die NG Kerk Vredefort tydens hul 2024 platteland toer.
Die idee vir die platteland toer is juis gebore na die Udolpho-optrede toe besef is hoe uitgehonger mense ook in die platteland is is vir orkesmusiek,” het Jaco van Staden, orkesdirigent gesê.
