Vredefort sit die balle aan die rol vir Kansa
Aan die einde van die dag is R16 400 vir Kansa ingesamel.
Die Vredefort-rolbalklub het die afgelope naweek die balle aan die rol gesit om geld in te samel vir Kansa. Ses-en-vyftig spelers, geklee in pienk, het in gemengde spanne mekaar die stryd aangesê.
Aan die einde van die dag is R16 400 vir Kansa ingesamel.
Die dag was Debbie Oosthuizen en die bestuur van die Vredefort-rolbalklub se idee, met die ondersteuning van Jacques Williams van Avbob Parys.
Elke speler het ‘n prys ontvang, danksy borge wat met oop hande gegee het. Die borge was Meat Valley Parys, Mica Parys, Ocram, Avbob Parys, Vredefort Slaghuis, Wesco Boerdery, Pothou Sussex, Colossal Concrete, OBC Chicken, Valtrac, Wynnwith Milk Farm en Multinet Home Loans. Perderitte en vermaak vir die kinders, uitstallers en heerlike kosstalletjies het gesorg vir ‘n lekker gesinsdag by die rolbalklub.
