Die Schoemansdriftbrug in die Vredefort Koepel is nou gesluit vir voertuie met water van die Vaalrivier wat oor die brug stroom.

Vloei by die brug is vanoggend om 07:00 gemeet teen 1 321 kubieke meter per sekonde. Die watervlak meet by die brug 2,67m.

Vaaldam is nou 109,39% vol met invloei gemeet teen 1 121,73 kubieke meter per sekonde en uitvloei teen 581.350 kubieke meter per sekonde.

‘n Vyfde sluis sal vanoggend om 10:00 by Vaaldam oopgemaak word.

Uitvloei by Bloemhofdam sal stelselmatig vandag verhoog word as volg:

10:00 – 1 100 kubieke meter per sekonde

12:00 – 1 200 kubieke meter per sekonde

14:00 – 1 300 kubieke meter per sekonde

15:00 – 1 400 kubieke meter per sekonde