Die NG gemeente Parys-Oos beeld vanjaar ‘n besondere Paastoneel uit op die stoep van die gemeente se kerksaal. Die toneel word saans verlig en is werklik iets om te sien vanaf die hoofpad en Allenbystraat.

Gedurende Desember het die Kerstoneel wat hier op die kerksaal-stoep uitgebeeld is, die aandag van baie besoekers en verbygangers getrek.

Die poppe wat vir die uitbeelding gebruik word, is ook vorige jare met onder ‘n Avondmaal uitbeelding in die kerksaal gebruik waar mense ‘n unieke en persoonlike belewenis van Paasfees kon hê met stilwordpunte.  Die poppe is die afgelope drie jaar deur Johnny Olivier van Hidden Teasures vir die gemeente geleen vir die tonele wat uitgebeeld is, maar is vanjaar deur hom vir die gemeente geskenk.

Aan die stuur van die mooimaak-span vir die Paastoneel was Helena de Villiers.