Nog twee heksluise sal vandag by Vaaldam toegemaak word. Die eerste heksluis word om 10:00 toegemaak en nog een om 16:00. Dit sal dan beteken dat net ses heksluise teen vanmiddag by Vaaldam sal oop wees.

Daar is gister ook twee heksluise toegemaak nadat Vaaldam vroeër ‘n totaal van tien heksluise oopgehad het.

Vaaldam is nou 114,89% vol met invloei gemeet teen 783 kubieke meter per sekonde en uitvloei  teen 1 129 kubieke meter per sekonde.

Die damvlak het reeds aansienlik gesak die afgelope paar dae nadat dit oor die 120% vol was.

By Bloemhofdam sal uitvloei ook vandag stelselmatig verminder word as volg:

10:00 – verminder na 3 000 kubieke meter per sekonde

12:00 – verminder na 2 800 kubieke meter per sekonde

14:00 – verminder na 2 600 kubieke meter per sekonde.