Ken jy daardie gevoel as jy instap by ‘n besigheid en op die hande gedra word?

Daar is mos niks wat kom by uitstaande kliëntediens nie. Daardie besighede wat kop en skouers uitstaan wanneer dit kom by die ekstra myl wat geloop word om diens en tevredenheid te waarborg.

Parys het talle sulke sakeondernemings wat uitstaande diens lewer. Of dit nou ‘n gastehuis, prokureursfirma, apteek, oogkundige, hardeware winkel, restaurant, haarsalon of motorwerktuigkundige is. Noem maar op  – dit is daardie toewyding, integriteit, harde werk en uitstekende dienslewering wat jou keer op keer laat terug gaan.

In moeilike ekonomiese tye waar diens juis ‘n deurslaggewende rol speel, is dit nodig om ons besighede erkenning te gee.

Daarom nooi MooiVaal Medie lesers om weer vanjaar plaaslike sakeondernemings wat na jou mening uitstaan in jou dorp, te nomineer vir vanjaar se Best of Parys – Readers Choice-toekennings.

Hierdie projek word vir die tweede jaar agtereenvolgens aangebied.

Wees deel van die positiewe dryfkrag deur verdienstelike besighede in die onderskeie kategorieë te nomineer.

Nominasies sluit 2 Junie.

Die kompetisie word slegs aanlyn aangebied en moet jy die aanlyn nominasievorm voltooi deur die QR-kode hieronder deur jou selfoon se kamerafunksie te skandeer, wat jou dan direk na die nominasievorm neem.

Slegs digitale nominasies word aanvaar.

So werk dit:

• Jy kan besighede in verskeie kategorieë nomineer.
• Sodra nominasies gesluit het, sal lesers aanlyn stem vir die wenners van die onderskeie kategorieë.
• Die wenners sal dan by ‘n spog geleentheid aangewys word.