Altesaam 90 ID-boekies, 83 ID-kaarte en verskeie SASSA-kaarte is Donderdag in Deneysville gekry tydens ‘n gesamentlike operasie deur die Fezile Dabi Trio-taakspan, Sasolburg Misdaadintelligensie en Deneysville Speurders. Daar is ook beslag gelê op vermoedelik gesteelde televisiestelle en mikrogolfoonde.

Volgens polisiewoodvoerder sersant Josephine Rani, is drie man tussen 18 en 19 jaar oud, vir die besit van die vermoedelik gesteelde eiendom gearresteer.

Rani sê die arrestasie het gevolg nadat inligting opgevolg is en ’n klopjag by die mans se woonplek uitgevoer is.

Al die vermoedelik gesteelde eiendom is gekonfiskeer.

Die drie verdagtes sal binnekort in die landdroshof in Sasolburg verskyn.