Die korrupsiesaak teen  Malusi Gigaba saam met Anoj Singh, voormalige Groep Hoof Finansiële Beampte (GHFB), Brian Molefe, voormalige Groep Hoof Uitvoerende Beampte (GHUB) van Transnet, Siyabonga Gama, die voormalige Hoof Uitvoerende Beampte (HUB), en Thamsanqa Jiyane, wat die Hoof Verkrygingsbeampte (HVB) was, is uitgestel tot 19 Februarie  sodat die saak op die rol geplaas en in die Gautengse Hoë Hof in Johannesburg, aangehoor kan word.

Die staat het op rekord bevestig dat die kennisgewing van verhoor en die klagstate op die beskuldigdes beteken is.

Die klagstate wat aan die beskuldigdes beteken is, hou verband met die tydperk waartydens Transnet betrokke was by die proses om lokomotiewe aan te skaf om die land se spoorinfrastruktuur uit te brei en te moderniseer.

Tydens hierdie proses is tenderprosedures omseil, en drie kontrakte is onreëlmatig toegeken om 95, 100 en 1 064 lokomotiewe aan Transnet te verskaf in drie afsonderlike kontrakte, wat gelei het tot ’n verlies van miljarde rande vir Transnet, het Henry Mamothame, woordvoerder van IDAC (Investigating Directorate Against Corruption) gesê.