Rybewyse met die kodes A, A1, B en EB, sal in die toekoms tien jaar geldig wees sodra gewysigde wetgewing hieroor in plek gestel is. Die kabinet het Donderdag 30 Julie sy goedkeuring hiervoor gegee.

Die geldigheidstydperk van rybewyse vir die bestuur van swaar kommersiële voertuie en voertuie wat vir openbare vervoer gebruik word, asook die hernuwingstydperk vir permitte vir beroepsbestuurders is egter nie verander nie.

Motoriste sal totdat die gewysigde wetgewing in plek is, steeds hul bestuurslisensie soos voorheen moet hernu voor die vervaldatum.

Die kabinet se besluit is deur die Organisasie teen Belastingmisbruik (Outa) verwelkom. Outa het al in 2020 gevra dat die geldigheidstermyn van rybewyse verleng moet word.