Die draadwerk van die Mur de Souvenirs by Parys se geskiedkundige hangbrug oor die Vaalrivier, is vandag deur die 1919 vrywilliger span herstel. Die draadwerk is deur vandale oor tyd geknip en beskadig.

Die vrywilliger span hou die hangbrug en rivieroewer instand en verrig ‘n groot taak om seker te maak dat dié toerisme-juweel waar besoekers elke naweek tyd spandeer, altyd netjies is.

Met die laaste opknapping van die hangbrug deur die vrywilliger-span, is die Mur de Souvenirs opgerig sodat mense die gebruik om slotte te hang om ‘n besoek aan die hangbrug ekstra spesiaal te maak, op die manier kan voortsit. Vroeër het mense die slotte aan die brug self gehang wat groot skade veroorsaak het weens die gewig van die slotte.

Dankie vir die onbaatsugtige inisiatief om vandag reg te maak wat ander verniel het.