Die oorwinning was soet vir Hoërskool Parys se 015-rugbyspan nadat die Virseker Noordvaal-beker vir Afdeling 4, vanoggend vir dié span die kroon gespan het op ‘n seisoen se harde werkl Parys het met 36-29 geseëvier oor die span van Reddam.

Hierdie groep spelers het nie net vroeër vanjaar ook hul liga gewen nie, maar was ‘n aantal van hulle ook verlede jaar as o.14’s die liga en Noordvaal-beker wenners.

Hoewel Parys se eerste span vandag in die finaal teen Steelcrest die knie moes buig met ‘n eindtelling van 34-44 in Steelcrest se guns. was Parys sonder twyfel waardige naaswenners.

Die sukses van hierdie spanne het nie sonder harde werk en sweet gekom nie, en is ook te danke aan die toewyding van die afrigters.

En met elke wedstryd was ouers en ondersteuners langs die veld reg om die seuns aan te moedig.

Vandag was ‘n trotse dag vir Parys!

Die foto’s hieronder gee ‘n blik van die aksie wat vandag op die rugbyveld gesien is en is geneem deur Marais Nell.

Foto erkenning: Marais Nell.