‘n Duisend mense, 31 vragmotors en busse, en 136 voertuie is deursoek tydens ‘n interprovinsiale padblokkade wat vanoggend op die N1-hoofweg by die Gauteng-grens gehou is.

Benewens inligtingspamflette wat deur wetstoepassers onder motoriste versprei is, is gefokus op die opspoor van gesteelde eiendom en ongelisensieerde vuurwapens, verbode middels en die aankla van onwettige immigrante.

Verkeersoortreders is ook vasgevat om veiliger paaie oor die feestyd te verseker.

Die padblokkade is gelei deur die polisiekommissaris in die Fezile Dabi-distrik, majoor-generaal Makubo. Rolspelers wat naas die polisie by die padblokkade betrokke was, het ingesluit provinsiale verkeer, Ngwathe Verkeer, die Ngwathe Plaaslike Munisipaliteit en beamptes van Binnelandse Sake.