Met diepe hartseer is daar afskeid geneem van Willem Smith van Stone Craft Granite. ’n Gerespekteerde besigheidseienaar van Parys, wat sy dapper stryd teen kanker verloor het. Willem was 53 jaar oud.

Ten spyte daarvan dat hy ’n siek man was, het Willem met moed en waardigheid volhard tot die einde.

Hy sal onthou word as ’n sagte, goedhartige man wat altyd bereid was om enigiets vir sy medemens te doen. Sy vriendelikheid, omgee en diensbaarheid het ’n indruk gemaak op almal wat hom geken het.

Willem was die afgelope 13 jaar in Parys gevestig, en is in Vanderbijlpark gebore.

Hy laat sy vrou, Drinie, en vier kinders agter.

Die spoor wat Willem agtergelaat het, sal altyd onthou word en sy liefde, integriteit en medemenslikheid sal voortleef in die harte van sy familie, vriende en gemeenskap.

Die gedenkdiens is 25 Februarie om 11:00 vanuit die Baptiste Kerk in Parys.