Parys het vandeesweek nog eens geseëvier in ‘n skouspelagtige stryd teen Hoopstad wat Donderdagaand op Parys se tuisveld beslis is. Met drieë deur Marx Steenkamp, Nic Greyling, Tyler Woodruff, Robbie Petzer, JM du Plooy en JC Brazao, en vier doelskoppe wat Gerhard Greyling oor die pale kon sit, het die tuisspan die oorwinning vir Parys beklink met ‘n eindelling van 38-12. 

Spelers van die wedstryd was Nic Greyling en Kaleb Kriek (voorspelers) en Gerhard Greyling en Tyler Woodruff (agterspelers). 

‘n Taai stryd wag nou op Parys-rugbyklub wanneer die tuisspan spiere sal moet bult teen verlede jaar se ligawenner, Bultfontein. Die wedstryd vind plaas Donderdag 16 April om 20:00, op Hoërskool Parys se rugbyveld.

Parys se netbalspan sal ook die aand in aksie wees. Die netbalwedstryd begin om 19:00 op die hoërskool se netbalbane.

Ondersteuners is welkom om gasbraaiers en koelbokse te bring, en beide die rugby- en netbalspelers op hul tuisveld te kom ondersteun.