Na die afgelope naweek se wegholoorwinning vir Parys op sy tuisveld teen die spanne van Dr Johan Jurgers van Springs, wag die semi-finale kragmetings in die Valke Afdeling 4-liga hierdie Saterdag vir drie van Hoërskool Parys se rugbyspanne. Die wedstryde word by Anker Skool in Brakpan beslis.

Parys se o14’s speel om 14:30 teen Panorama, en die o15’s om 09:00. ook teen Panorama. Die eerste span wedstryd teen Alberton High skop af om 15:30.

Die finale ligawedstryde sal dan op 25 Julie beslis word.

Uitslae van die wedstryde wat op 13 Junie teen Dr Johan Jurgers gespeel is, het so gelyk:
o14 – Parys wen 34-5
o15 – Parys wen 55-7
o16 – Parys wen 66-7
Eerste span – Parys wen 69-22