Die gewapende reaksiespan van CB Security het Saterdag, 30 Maart drie verdagtes gearresteer wat gesteelde goedere in hul besit gehad het. Volgens ‘n insidentverslag is die rowers omstreeks 11:15 naby die Snowflake-gebou vasgetrek.
Volgens NW polisiewoordvoerder, Brig. Sabata Mokgwabone, is selfone, skoene en kontant by die verdagtes gekry. Die verdagtes het Dinsdag, 2 April in die Potchefstroom Landdroshof op aanklagtes
van roof en diefstal verskyn.